STC
29-06-07, 11:13 PM
كيف تنسجين خيوط العنكبوت على زوجك تجعلينه (تخلينه) يتعلق فيك أكثر يشيل همومك وهموم بيتك وتكونون من أولوياته.
ممكن شي غريب إني خصيت المرأة لكن ..! لأني أشوف انها محتاجة أكثر –انها تتقبل أحسن من الرجل والاهم انه أي خلل في العلاقة الزوجية غالبا هي اللي تتحمل العبء الأكبر.
فضروري انها تحبب الزوج فيها وفي بيتها وتحمله مسئولياتهم...
##مسئوليات مثل البيت ومتطلباته ,العيال ومشاويرهم!!
ممكن أحد يقول هذي بديهيات أو المفروض على الزوج انه يسويها!! صحيح مفروض لكن ممكن بعض الأزواج متساهل فيها (أو تاركها) أو أغبى من كذا بعض الزوجات تتحمل أو تشيل عنه بعضها(قصدي الملقوفات مو اللي غصب عنهم) كيف؟ووشلوون؟؟
مثل زوجة تطلب سواق؟؟!! كم من المسئوليات راح تنشال من الزوج وكم المسافة اللي راح يبعدها؟؟؟
شي ثاني استخدامها راتبها بدون مبرر أو حاجة ماسة وبعضهم بعد تستخدمه سلاح....!
الزبده لا تتوقعين انك لما تشلين عنه بعض المسئوليات الخاصة فيه راح يقدرك أو إن علاقتكم بتكون أحسن.
##إحساس بالرجولة(بالثقة)
حسسي الزوج انه كل شي وان مايصير أي شي إلا بأمره وأن البيت ما يمشي بدونه ...الرجال يحبون الحرمة اللي تحتاجهم (تَبَيَن أهميته) والشيء هذا يؤثر فيه... حتى لو كان واقعه عكس كذا!!
والرجل لما يحس انه ماله فايده ولا فاشل يكون أناني ويحاول يبعد!!
##شيء من الثقة
تعطينه نصايح أو توجيهات وهو ماطلبها معناته انك تخلقين جو مكهرب
لان الزوج (الرجال عموما) إذا واجهته مشكلة يحاول يحلها بنفسه فإذا تدخلتي يتوقع انك تفترضين انه ما يعرف أو مايقدر يحلها (يفكرها انتقاد –عدم ثقة- بثاره) فيتغير مزاجه ويعصب وأنتي على نياتك على بالك تساعدينه!!!
فااتركيه لين هو يطلب المساعدة أو نصيحة منك أو من أي احد وكذا تكونين حفظتي كرامته ولا اوجعتي راسك.
##حفظ الأسرار!!
برضو بديهي صح؟! لكن اللي أبي أضيفه مو حفظ الأسرار وبس حفظ كل شي يكون بينكم سواء أشياء حلوه أو مشاكل
من ناحية المشاكل مافيه أحد اعرف منك بزوجك وإذا كان فيه حل ومناسب فأكثر وحدة تعرفه هو أنتي....موهيك؟
ومو كذا وبس وإذا افترضنا إن صديقاتك أو اهلك أو أي احد تتكلمين له يبي لك الخير فهو قاعد يشوف بعين وحده قاعد يشوف المشكلة بمنظارك أنتي بس !! كيف تتوقعين منه الحل الصح؟ بيعطيك حل ويمكن بيعجبك لكن الأكيد ماراح يصلح لزوجك ابد(بينكم ظروف- وفية تنازلات -وجو خاص- فالحل ماراح ينبني على الأمور هذي إلا إذا كان صادر منك وبدون تدخلات)
هذا بالنسبة للمشكلات بتقولين طيب الكلام العام وش فيه إذا تكلمت عند صديقاتي؟
البيوت مليانه مشاكل..!! وانتي جاية تتدلعين بزوجك اكيد راح يكون فيها غيرة - حسد - عين!!!
##مقارنة الأزواج
هذي خطيرة مرة كثير يكون فينا وفي اللي حولنا عيوب ما ننتبه لها ولا تهمنا !!! لكن إذا بدت المقارنات بين الأزواج تطلع لنا بلاوي مع اننا كان عايشين معها عاااادي ومستانسين ! بس الحين لأ !! صارت مشكلة!!!
وزيادة على كذا فيه أشياء تكون مشاكل وعيوب بالنسبة لغيرنا(في نظرتهم) لكن عندنا عادي... بس إذا بدينا نقارن!! لا لا ليش زوجي مايصير مثل زوج فلانة (تبين تنكبين الغدا في طوفرية؟ مايضبط!! ... هو ربي خالقة كذا)
وبكذا تكونين أختي الفاضلة أخترعتي المشكلة!!.
##نقاط مبعثرة :
#حاولي تُكَوَنين مواضيع أو هوايات مشتركة بينكم تحبب الزوج فيك وفي البيت أكثر وأفضل شي لما تكون عبادة ومواضيع دينية.
#انتبهي أوقات يكون فيها معصب ولا جوعان وحاولي تتجنبين المواجهات والطلبات فيها.
#إذا كان الزوج عنده مشكلة أو زعلان لاتحاولين تخففين عنه بالكلام معه أو الأسئلة أنتي كذا تصبين البنزين على النار خلية هو بيجي إذا احتاجك أو اصبري لما يهدى
لان الزوج يحتاج الثقة ويكره التعاطف.(مو مثل الحريم).
#انتبهي تمنين علية بشي لان المن يقتل المعروف
#الرجل يضعف أمام المرأة فاحذري الخادمة.
#انتبهي من النقد المباشر لأنه يهز الثقة.
#لا تسوين للزوج اختبارات!!
مثل تسكتين في مواقف وتقولين أبي اشوف هو يدري ولا لا!!!؟ هو يحس بي ولا لا!!!؟
بعدين تتفاجئين انه مافهم(لان الرجال في العواطف لك عليهم) وبعدها تعصبيين!!!!
لما تحتاجين دعم ومساعدة اطلبيها لأنه يتوقع إذا ماطلبتي(طبعا بأسلوب حلو (وترا هنا مو قصدي الفلوس لاتفرحين)) انه سوى كل اللي عليه ويكتفي بكذا!!
##وأختم بطريقة اعتقد انها حلوه ولطيفة في عملية كشف الحساب(المشاكل والعيوب) بين الزوجين انها تشتري كتابين (الرجال من المريخ والنساء من الزهرة) وقلم التظليل الفسفوري ويكون لها نسخة ولزوجها نسخة وكل واحد يقرأ ويشوف المشاكل اللي يواجها مع الثاني ويلونها بالفسفوري ولما يخلصون يتبادلون الكتب وبعدها كل واحد يشوف أخطاءة بهدوء..!! ليش الطريقة هذي؟ لأنها تشرح وتوصف وتحل المشاكل بتعمق والجديد أنها مشاكل تكون موجودة بس ماشُخصت
ممكن شي غريب إني خصيت المرأة لكن ..! لأني أشوف انها محتاجة أكثر –انها تتقبل أحسن من الرجل والاهم انه أي خلل في العلاقة الزوجية غالبا هي اللي تتحمل العبء الأكبر.
فضروري انها تحبب الزوج فيها وفي بيتها وتحمله مسئولياتهم...
##مسئوليات مثل البيت ومتطلباته ,العيال ومشاويرهم!!
ممكن أحد يقول هذي بديهيات أو المفروض على الزوج انه يسويها!! صحيح مفروض لكن ممكن بعض الأزواج متساهل فيها (أو تاركها) أو أغبى من كذا بعض الزوجات تتحمل أو تشيل عنه بعضها(قصدي الملقوفات مو اللي غصب عنهم) كيف؟ووشلوون؟؟
مثل زوجة تطلب سواق؟؟!! كم من المسئوليات راح تنشال من الزوج وكم المسافة اللي راح يبعدها؟؟؟
شي ثاني استخدامها راتبها بدون مبرر أو حاجة ماسة وبعضهم بعد تستخدمه سلاح....!
الزبده لا تتوقعين انك لما تشلين عنه بعض المسئوليات الخاصة فيه راح يقدرك أو إن علاقتكم بتكون أحسن.
##إحساس بالرجولة(بالثقة)
حسسي الزوج انه كل شي وان مايصير أي شي إلا بأمره وأن البيت ما يمشي بدونه ...الرجال يحبون الحرمة اللي تحتاجهم (تَبَيَن أهميته) والشيء هذا يؤثر فيه... حتى لو كان واقعه عكس كذا!!
والرجل لما يحس انه ماله فايده ولا فاشل يكون أناني ويحاول يبعد!!
##شيء من الثقة
تعطينه نصايح أو توجيهات وهو ماطلبها معناته انك تخلقين جو مكهرب
لان الزوج (الرجال عموما) إذا واجهته مشكلة يحاول يحلها بنفسه فإذا تدخلتي يتوقع انك تفترضين انه ما يعرف أو مايقدر يحلها (يفكرها انتقاد –عدم ثقة- بثاره) فيتغير مزاجه ويعصب وأنتي على نياتك على بالك تساعدينه!!!
فااتركيه لين هو يطلب المساعدة أو نصيحة منك أو من أي احد وكذا تكونين حفظتي كرامته ولا اوجعتي راسك.
##حفظ الأسرار!!
برضو بديهي صح؟! لكن اللي أبي أضيفه مو حفظ الأسرار وبس حفظ كل شي يكون بينكم سواء أشياء حلوه أو مشاكل
من ناحية المشاكل مافيه أحد اعرف منك بزوجك وإذا كان فيه حل ومناسب فأكثر وحدة تعرفه هو أنتي....موهيك؟
ومو كذا وبس وإذا افترضنا إن صديقاتك أو اهلك أو أي احد تتكلمين له يبي لك الخير فهو قاعد يشوف بعين وحده قاعد يشوف المشكلة بمنظارك أنتي بس !! كيف تتوقعين منه الحل الصح؟ بيعطيك حل ويمكن بيعجبك لكن الأكيد ماراح يصلح لزوجك ابد(بينكم ظروف- وفية تنازلات -وجو خاص- فالحل ماراح ينبني على الأمور هذي إلا إذا كان صادر منك وبدون تدخلات)
هذا بالنسبة للمشكلات بتقولين طيب الكلام العام وش فيه إذا تكلمت عند صديقاتي؟
البيوت مليانه مشاكل..!! وانتي جاية تتدلعين بزوجك اكيد راح يكون فيها غيرة - حسد - عين!!!
##مقارنة الأزواج
هذي خطيرة مرة كثير يكون فينا وفي اللي حولنا عيوب ما ننتبه لها ولا تهمنا !!! لكن إذا بدت المقارنات بين الأزواج تطلع لنا بلاوي مع اننا كان عايشين معها عاااادي ومستانسين ! بس الحين لأ !! صارت مشكلة!!!
وزيادة على كذا فيه أشياء تكون مشاكل وعيوب بالنسبة لغيرنا(في نظرتهم) لكن عندنا عادي... بس إذا بدينا نقارن!! لا لا ليش زوجي مايصير مثل زوج فلانة (تبين تنكبين الغدا في طوفرية؟ مايضبط!! ... هو ربي خالقة كذا)
وبكذا تكونين أختي الفاضلة أخترعتي المشكلة!!.
##نقاط مبعثرة :
#حاولي تُكَوَنين مواضيع أو هوايات مشتركة بينكم تحبب الزوج فيك وفي البيت أكثر وأفضل شي لما تكون عبادة ومواضيع دينية.
#انتبهي أوقات يكون فيها معصب ولا جوعان وحاولي تتجنبين المواجهات والطلبات فيها.
#إذا كان الزوج عنده مشكلة أو زعلان لاتحاولين تخففين عنه بالكلام معه أو الأسئلة أنتي كذا تصبين البنزين على النار خلية هو بيجي إذا احتاجك أو اصبري لما يهدى
لان الزوج يحتاج الثقة ويكره التعاطف.(مو مثل الحريم).
#انتبهي تمنين علية بشي لان المن يقتل المعروف
#الرجل يضعف أمام المرأة فاحذري الخادمة.
#انتبهي من النقد المباشر لأنه يهز الثقة.
#لا تسوين للزوج اختبارات!!
مثل تسكتين في مواقف وتقولين أبي اشوف هو يدري ولا لا!!!؟ هو يحس بي ولا لا!!!؟
بعدين تتفاجئين انه مافهم(لان الرجال في العواطف لك عليهم) وبعدها تعصبيين!!!!
لما تحتاجين دعم ومساعدة اطلبيها لأنه يتوقع إذا ماطلبتي(طبعا بأسلوب حلو (وترا هنا مو قصدي الفلوس لاتفرحين)) انه سوى كل اللي عليه ويكتفي بكذا!!
##وأختم بطريقة اعتقد انها حلوه ولطيفة في عملية كشف الحساب(المشاكل والعيوب) بين الزوجين انها تشتري كتابين (الرجال من المريخ والنساء من الزهرة) وقلم التظليل الفسفوري ويكون لها نسخة ولزوجها نسخة وكل واحد يقرأ ويشوف المشاكل اللي يواجها مع الثاني ويلونها بالفسفوري ولما يخلصون يتبادلون الكتب وبعدها كل واحد يشوف أخطاءة بهدوء..!! ليش الطريقة هذي؟ لأنها تشرح وتوصف وتحل المشاكل بتعمق والجديد أنها مشاكل تكون موجودة بس ماشُخصت